“ Las acacias” filmak pelikula onenaren saria eskuratu du Biarritzeko jaialdian

Lortu berru duen sariaz gain, Canneseko Urrezko Kameraren saria lortu zuen eta Donostiako Horizontales Latinos sailean irabazle bihurtu zen

Urriak 2an bukatu zen Biarritzeko Latinoamerikako zinema eta kulturaren 20. jaialdian, Pablo Giorgelliren "Las acacias" filamak irabazi du film onenaren saria.

Ez da film argentinar honen lehendabiziko saria izan, izan ere, Kritikaren Astean partu hartu eta opera prima onenaren Urrezko Kamera eskuratu zuen aurtengo Canneseko zinemaldian. Gainera, bukatu berri den Donostiako Zinemaldian Horizontales Latinos sailean irabazle izan zen ere.

Zuzendari argentinar honek "El ultimo sueño" film laburra zuzendu zuen 1993an eta aurrerago "Moebius", "Solo por hoy" eta beste pelikula batzuk muntatu ditu.

Azaroaren amaieran Argentinan estreinatuko den film hau Ruben kamioi gidari bakartiaren istorioa kontatzen du. Honek 1500 kilometroko bidaia egiten du Paraguay eta Buenos Aires bitartean Jacintaren ondoan. Jacinta errepidean batzen duen emakume imigrante bat da eta zortzi hilabeteko alaba darama. Bidai honetan, Rubeni bizitzeko gogak eta aita sentimendua aterako zaizkio.

German de Silva eta Hebe Duarte dira filmeko protagonistak Bilboko Armónika Entertainment-ek produzitutako film honetan. Gidoilariak Pablo Giorgelli eta Salvador Rosellí izan dira eta argazkiaz Diego Poleri arduratu da.