Gazte batek sarea hankaz gora jarri du Steve Jobseri egindako omenaldiagatik

Apple-en sortzailearen silueta sagarraren haginkadan agertzea Hong Kongeko ikasle baten lana da



Nekane MIMENZA ETXEBARRI

Hong Kongeko diseinuko ikasle batek Steve Jobseri omenaldia egin dio eta horrek izugarrizko arrakasta eduki du interneten ikasleak sortu duen diseinu minimalista eta hunkigarriagatik.

Jonathan Makeri, 19 urteko Hong Kongeko Unibertsitate Politeknikoan diseinuko ikasketak burutzen dituen ikasleari, bururatu zaio Appleko sagarraren haginkadan Steve Jobsen silueta sartzea. Modu horretan, Jobsen irteera eta Applen izan duen presentzia luzea sinbolizatzen du.

Hala ere, irudi hau ez da Applen sortzailearen heriotzagatik sortu, baizik eta Jobsek bere egunean Apple utzi zuenen sortu zen. Baina ostegun honetan, Jonathan Makek irudia berriz internetera igo ondoren, irudiak izugarrizko arreta piztu zuen.

Diseinua azkar hedatu da internetetik, izan ere, milaka iruzkinetan agertzen da eta  eBay-n saltzen diren kamisetetan eta txapetan baita ere.